Rregullat dhe Kushtet për Ofrimin e Shërbimeve Postare

Neni 1 – Përshkrimi i përgjithshëm i shërbimit

Posta Delex ofron shërbime postare: ekspres dhe derë më derë (korrier) për persona fizikë dhe juridikë, duke përfshirë pranimin, përpunimin, transportin dhe shpërndarjen e dërgesave brenda dhe jashtë territorit të Republikës së Kosovës.

Neni 2 – Pranimi i dërgesave

• Dërgesat pranohen mbi bazë kërkese ose marrëveshjeje me klientin.
• Klienti është i obliguar të sigurojë adresë të saktë dhe të plotë të marrësit.
• Përmbajtje të ligjshme.
• Paketim të përshtatshëm sipas natyrës së dërgesës.
• Ofruesi i shërbimit nuk pranon dërgesa që janë të ndaluara me ligj ose që paraqesin rrezik për sigurinë publike.

Neni 3 – Transporti dhe shpërndarja e dërgesave

• Ofrues i shërbimit realizon bartjen/transportin dhe shpërndarjen e dërgesave përmes rrjetit të saj operativ.
• Shpërndarja kryhet vetëm në adresat e specifikuara saktë nga dërguesi.
• Dorëzimi i dërgesave postare do të bëhet në përputhje me standardet e vendosur nga ARKEP si në vijim:
  • Brenda qytetit 12- 24 orë
  • Brenda regjionit 48 orë
  • Brenda territorit të Kosovës 24 orë.
• Ofruesi i shërbimit angazhohet të përmbushë standardet e cilësisë për shperndarjen e dergesave postare në perputhje me Rregulloren 41,përkatësisht D+1: 95 % e dergesave, D+2:5 % e dergesave
• Ofruesi i sherbimit postar mundëson gjurmimin elektronik të dergesave postare nga momenti I pranimit deri në dorëzim (end-to-end tracking):

Neni 4 – Mënyrat e dorëzimit

• Dorëzim personal (derë më derë)
• Dorëzim me nënshkrim (dërgesa të regjistruara)
• Dorëzim tek person i autorizuar në adresë
• Dorëzim me njoftim për tërheqje në pikë shërbimi
• Dorëzim në zyrat/pikat e tij.

Ofruesi siguron dëshmi të dorëzimit dhe monitoron procesin e shpërndarjes.

Neni 5 – Kushtet e ofrimit të shërbimit

• Shërbimet ofrohen në bazë të autorizimit të përgjithshëm nga ARKEP.
• Marrëdhënia me klientin rregullohet përmes kontratës ose këtyre kushteve të përgjithshme.
• Orari i punës:
  • E hënë – e premte: 08:30 – 17:00
  • E shtunë: 08:30 – 13:30
• Pas ofrimit të shërbimit, klientit i lëshohet faturë fiskale dhe raport i detajuar.
• Ofruesi i sherbimit garanton mbrojtjen e të dhënave personale dhe konfidencialitetin e dergesave në perputhje me legjislacionin në fuqi.

Neni 6 – Pagesat dhe tarifat

• Tarifat për shërbimet postare përcaktohen në mënyrë transparente, jo-diskriminuese dhe në përputhje me legjislacionin në fuqi. 
• Çmimet bazohen në faktorë si:
  • lloji i dërgesës,
  • pesha dhe dimensionet,
  • destinacioni,
  • urgjenca e shërbimit,
  • shërbimet shtesë.
• Lista e tarifave publikohet dhe vihet në dispozicion të klientëve përpara përdorimit të shërbimit.
• Ofruesi i Shërbimit rezervon të drejtën për përditësimin e tarifave me njoftim paraprak, në përputhje me rregullat e ARKEP.
• Faturimi bëhet në baza mujore ose sipas marrëveshjes dhe përfshin të gjitha detajet e shërbimit (munde te specifikohet ndryshe nga operatori).
• Pagesat mund të realizohen përmes bankës ose formave të tjera të pranueshme.

Neni 7 – Përgjegjësia dhe kompensimi

• Ofruesi i shërbimit është përgjegjëse për humbje, dëmtim ose vonesë të dërgesave kur këto shkaktohen nga neglizhenca e saj.
• Ofruesi i shërbimit nuk mban përgjegjësi në rastet kur:
  • dërgesa nuk është ambalazhuar siç duhet,
  • përmbajtja është e ndaluar,
  • dëmi shkaktohet nga dërguesi ose marrësi,
  • ndodhive dhe rrethanave të forcës madhore.
• Kompensimi bëhet në përputhje me kufijtë e përcaktuar nga legjislacioni në fuqi dhe rregullat e ARKEP.

Neni 8 – Forca madhore

• Forcë madhore konsiderohet çdo rrethanë e jashtëzakonshme jashtë kontrollit të Postës (fatkeqësi natyrore, luftë, vendime shtetërore, etj.).
• Në këto raste:
  • shërbimi mund të pezullohet përkohësisht,
  • ofruesi i shërbimit nuk mban përgjegjësi për vonesa apo dëme,
  • klientët njoftohen kur është e mundur.
• Ofruesi i shërbimit ndërmerr masa për rifillimin e shërbimeve sa më shpejt pas përfundimit të këtyre rrethanave.

Neni 9 – Ankesat dhe Zgjidhja e mosmarrëveshjeve

• Klientët kanë të drejtë të paraqesin ankesa brenda afatit ligjor sipas legjislacionit në fuqi.
• Ofruesi i shërbimit është e obliguar të hartoj dhe publikoj procedurat për trajtimin e ankesave në faqen zyrtare.
• Ofruesi i shërbimit është e obliguar të përgjigjet brenda 15 ditëve.
• Palët synojnë zgjidhje mosmarrëveshjeve me mirëkuptim.
• Në rast mosmarrëveshjeje eventuale, klienti ka të drejtë t’i drejtohet ARKEP.
• Ofruesi i shërbimit do ti përgjigjet ARKEP-it në çdo kërkesë dhe ankesë lidhur me zgjidhjen e mosmarrëveshjeve.

Neni 10 – Dispozita përfundimtare

Këto rregulla dhe kushte janë të detyrueshme për të gjithë përdoruesit e shërbimeve postare dhe publikohen në përputhje me kërkesat ligjore për transparencë dhe mbrojtje të konsumatorit.